Vend Pune – 22.08.2023
Inspektorati Shtetëror Shëndetësor, Dega Rajonale Gjirokastër
POZICIONI – Kryeinspektor
Kërkesat e përgjithshme të pozicionit të punës:
a) Të ketë shtetësinë shqiptare;
b) Të gëzojë zotësi të plotë për të vepruar;
c) Të plotësojë kërkesat për llojin dhe nivelin arsimor;
d) Të jetë i aftë për punë nga ana shëndetësore;
e) Të mos jetë të dënuar me vendim gjykate të formës së
prerë për kryerje të një krimi apo për kryerjen e një kundërvajtje penale me dashje.
f) Të mos jetë marrë masa disiplinore e largimit nga shërbimi
civil, që nuk është shuar.
g) Te plotesojë kërkesat e posacme për nivelin e arsimit,
pervojes dhe kërkesat e tjera të posacme për kategorinë, klasën, grupin dhe
pozicionin përkatës.
Kandidatët duhet të dorëzojnë dokumentat si më poshtë në Inspektoratin Shtetëror Shëndetësor brenda datës 04.09.2023:
1. Curriculum Vitae
2. Diploma e arsimit të lartë, lista e notave, e noterizuar.
3. Diplomë e Masterit
4. Librezë Pune
5. Fotokopje të letërnjoftimit (ID);
6. Dëshmi Penaliteti;
7. Raport mjeko-ligjor
8. Certifikatë e kualifikimeve apo trajnimeve, fotokopje
9. Vlerësime periodike të punës së nëpunësit
10. Certifikatë familjare
Kërkesat specifike të pozicionit të punës:
a) Arsimi: i lartë dhe të zotëroje diplomë bachelor, master shkencor/professional në të njëjtin profil si diploma bachelor në shkenca ekonomike/juridike/mjekësore/mjekësi e përgjithshme/shkenca inxhinjerike dhe shkencat e natyrës.
b) Të ketë të paktën 3-vite pune në profesion..
c) Të ketë aftësi të mira drejtuese, menaxhuese për funksionimin e punës.
d) Të ketë njohuri për funksionimin e sistemit shëndetësor shqiptar dhe të politikave të zhvillimit të tij në përgjithësi.
e) Të ketë njohuri rreth fushës së inspektimit shëndetësor.
f) Të njohë programet komjuterike bazë.
g) Gjuha e huaj: Një gjuhë zyrtare e BE, preferohet anglisht.
Në mbështetje të :
· Ligjit për Inspektimin në Republikën e Shqipërisë 10433, datë 16.06.2011.
· Ligjit nr. 7961, datë 12.07.1995, “Kodi i Punës i
Republikës së Shqipërisë” të ndryshuar, ligjit nr. 54/2020, datë 19.05.2020
“Për disa shtesa dhe ndryshime në ligjin nr.7643 datë 02.12.1992 “Për inspektimin sanitar” të
ndryshuar
· Ligjit 44/2015 “ Kodi i Procedurave Administrative të Republikës së Shqipërisë”,
· Vendimit nr. 241, datë 27.03.2013 të Këshillit të Ministrave “Për Organizimin dhe funksionimin e Inspektoratit Shtetëror Shëndetësor”,
· Urdhërit nr. 639 datë 25.11.2022 të Ministrit të Shëndetësisë, “Për miratimin e Rregullores së Brendshme për Organizimin dhe Funksionimin e Inspektoratit Shtetëror Shëndetësor”,
· Urdhërit nr. 119 datë 28.07.2022 “Për miratimin e strukturës dhe organikës së Inspektoratit Shtetëror Shëndetësor”,
· Kontratës individuale të punës
Përshkrimi i punës:
Kryeinspektori i ISHSH Rajonal është titullari i institucionit. Kryeinspektori drejton veprimtarinë e ISHSH Rajonal, e përfaqëson atë dhe vepron në emër të tij. Ai është përgjegjës për ushtrimin e veprimtarisë së ISHSH Rajonal, në përputhje me legjislacionin në fuqi për garantimi i respektimit të kërkesave ligjore në fushën e shëndetit publik.
DETYRAT KRYESORE
1. Zbaton dhe administron buxhetin e miratuar të ISHSH, në përputhje me legjislacionin në fuqi dhe përgatit projektbuxhetin për vitin e ardhshëm, të cilin ia përcjell ministrit përgjegjës për shëndetësinë.
2. Koordinon proçesin e inspektimit dhe të manaxhimit të riskut në fushat e sigurisë shëndetësore.
3. Kryen dhe mbulon funksionet e vlerësimit dhe komunikimit të riskut.
4. Bën rekomandime të dokumentuara me strukturën qëndrore të ISHSH për subjekte të kontrolluara të cilat nuk plotësojnë kushtet e sigurisë shëndetësore.
5. Pregatit raporte të rregullta dhe të veçanta mbi aktivitetin e zhvilluar nga Degët Rajonale.
6. Drejton dhe kontrollon në vazhdimësi veprimtarinë për kualifikimin tekniko – profesional e shkencor të planifikuar të Degës Rajonale, sipas programeve të bashkëpunimit me Ministrinë e Shëndetësisë, ISHSH apo organizatave të tjera.
7. Gjatë kryerjes së funksioneve Kryeinspektori Rajonal zbaton udhëzimet dhe vendimet e Kryeinspektorit të ISHSH.
Detyrat teknike
1. Mbikqyr dhe implementon planet e parashikuara dhe të paparashikuara, si dhe proçedurat e menaxhimit të krizave në fushat e sigurisë shëndetësore.
2. Lëshon autorizimin e inspektimit, në përputhje dhe në bazë të programit të miratuar të inspektimit;
3. Vendos për shtyrjen e kohëzgjatjes së autorizimit të inspektimit, në përputhje me legjislacionin në fuqi për inspektimin, pas dakordësisë nga ISHSH në nivel qendror.
4. Vendos për zëvëndësimin e inspektorëve, gjatë inspektimit, sipas ligjit;
5. Shqyrton ankimin e veçantë ndaj vendimeve për masat urgjente të marra nga inspektorët e degës përkatëse.
6. Miraton cdo fillim jave grupin e gatshëm të inspektorëve për kryerjen e inspektimeve mbi bazën e denoncimeve dhe për rastet emergjente.
7. Njofton pranë ISHSH në nivel qendror përbërjen e grupit të gatshëm.
8. Njofton Kryeinspektorin e ISHSH apo një person të deleguar prej tij për cdo dalje (inspektim) të grupit të gatshëm.
9. Nxjerr akte të detyrueshme për punonjësit e ISHSH për realizimin e funksioneve të institucionit
10. Autorizon me shkrim një nga përgjegjësit e sektorëve për ta zëvendësuar për problemet administrative, në rast të mungesës së tij (rast pas rasti);