Vend pune – 17.10.2023
Inspektorati Shtetëror Shëndetësor, Dega Rajonale Gjirokastër
POZICIONI – Specialist i Burimeve Njerëzore/Arkiv/Protokoll
Kërkesat
e përgjithshme të pozicionit të punës:
a) të ketë shtetësinë shqiptare;
b) të gëzojë zotësi të plotë për të vepruar;
c) të plotësojë kërkesat për llojin dhe nivelin arsimor;
d) të jetë i aftë për punë nga ana shëndetësore;
e) të mos jetë të dënuar me vendim gjykate të formës së prerë për kryerje të një krimi;
f) të mos jetë marrë masa disiplinore me largim nga puna, brenda 1 viti nga data e aplikimit.
Kandidatët duhet të dorëzojnë dokumentat si më poshtë:
1. Curriculum Vitale
2. Diploma e arsimit të lartë, lista e notave, e noterizuar.
3. Diplomë e Masterit
4. Librezë Pune
5. Fotokopje të letërnjoftimit (ID);
6. Dëshmi Penaliteti;
7. Raport mjeko-ligjor
8. Certifikatë e kualifikimeve apo trajnimeve, fotokopje
9. Vlerësime periodike të punës së nëpunësit
10. Certifikatë familjare
Kandidatët duhet të dorëzojnë brenda datës 30.10.2023 në Inspektoratin Shtetëror Shëndetësor dokumentat si më poshtë:
Kërkesat specifike të pozicionit të punës:
a) Arsimi: i lartë.
b) Kualifikimi: Te ketë aftësi shumë të mira organizuese dhe komunikuese.
c) Eksperienca në Punë: Të ketë eksperiencë pune në këtë fushë.
d) Gjuha e huaj: Nje gjuhe zyrtare e BE
e) Kërkesa të tjera specifike: Të jetë i aftë të punojë në grup, si dhe të jetë i gatshëm të punojë edhe jashtë orarit zyrtar, kur t’i kërkohet.
DETYRAT KRYESORE
– Ndjek dhe zbaton menaxhimin e dosjeve të personelit, dhe dhënies së informacioneve mbi indikatorët e menaxhimit të burimeve njerëzore;
– Kujdeset për dokumentacionin e punonjësve, duke reflektuar në to ndryshimet e domosdoshme të kërkesave të punës;
– Regjistron korespondencën e institucionit dhe çdo dokumentacion tjetër zyrtar të institucionit;
– Analizon dokumentet dhe kryen veprimet për të përcaktuar afatet e mbajtjes sipas akteve ligjore nënligjore përkatëse;
– Indekson dokumentet dhe përditëson inventarët;
– Kërkon dhe nxjerr dokumentet sipas kërkesave;
– Mban marrëdhënie me arkivin qendror;
– Menaxhon marrëdhëniet midis përdoruesve dhe shpërndan informacionin mbi përdorimin e arkivës;
– Administron vulën zyrtare të institucionit duke u përgjigjur për ruajtjen dhe mirëmbajtjen e dokumenteve të prodhuara nga drejtoritë përkatëse;
– Kryen të gjitha veprimet për pranimin, evidentimin, shpërndarjen dhe nisjen e korrespondencës sipas klasifikimit të dokumentacionit;
– Kryen protokollimin e të gjithë dokumentacionit;
– Respekton dispozitat për ruajtjen e sekretit shtetëror;
Bën mbylljen e dosjeve të krijuara sipas pasqyrës emërtuese dhe sistemimin e tyre në arkivë.
Në mbështetje të :
· Ligjit për Inspektimin në Republikën e Shqipërisë 10433, datë 16.06.2011.
· Ligjit nr. 7961, datë 12.07.1995, “Kodi i Punës i Republikës së Shqipërisë” të ndryshuar, ligjit nr. 54/2020, datë 19.05.2020 “Për disa shtesa dhe ndryshime në ligjin nr.7643 datë 02.12.1992 “Për inspektimin sanitar” të ndryshuar
· Ligjit 44/2015 “ Kodi i Procedurave Administrative të Republikës së Shqipërisë”,
· Vendimit nr. 241, datë 27.03.2013 të Këshillit të Ministrave “Për Organizimin dhe funksionimin e Inspektoratit Shtetëror Shëndetësor”,
· Urdhërit nr. 639 datë 25.11.2022 të Ministrit të Shëndetësisë, “Për miratimin e Rregullores së Brendshme për Organizimin dhe Funksionimin e Inspektoratit Shtetëror Shëndetësor”,
· Urdhërit nr. 119 datë 28.07.2022 “Për miratimin e strukturës dhe organikës së Inspektoratit Shtetëror Shëndetësor”,
· Kontratës individuale të punës